أخر الاخبار

دراسة جدوي لتربية 100 كتكوت أبيض وربح مرتفع 2021

دراسه جدوى لتربية 100 فرخه بيضه 2021
دراسه جدوى لتربية 100 كتكوت ابيض 2021

دراسه جدوي لمشروع تربية 100 فرخ أبيض تسمين

تعتبر تربيه الدواجن البيضه الان من أهم المشاريع التى أصبح الجميع يقبلون عليها , وخاصة ربات البيوت , وتعتبر من أهم المشاريع واسهلها , وذلك لأنها لاتحتاج الى مكان واسع لتربيتها , ولا الى رأس مال كبير , وتتميز بصغر وقت الدوره  التى تتراوح من 35 يوم الى 40 يوم , ويكون الغرض من التربيه اما الاكتفاء الذاتى أو البيع والربح , لذلك سيتم عمل دراسه جدول سريعه عن كل ما يحتاجه 100 كتكوت من يوم أستقباله حتى يوم بيعه .

 

 أخر تحديث للمقال بتاريخ 11/5/2021

المساحه التى تحتاجها لتنفيذ المشروع

تختلف مساحة تربيه ال100 كتكوت فى الصيف عن الشتاء

 

فتربية 100 كتكوت فى الصيف بتحتاج 1 متر لكل 7 فراخ يعنى هتحسب كالتالى لو أوضه 4 * 4 = 16 متر

 

و16 * 7 = 112 يبقى الأوضه ال4 فى 4 بتاخد 112 كتكوت فى الصيف .

 

أما تربية ال100 كتكوت فى الشتاء بتحتاج 1 متر لكل 12 فرخه يعنى لو عندك أوضه 3*3 =9 متر

 

و9 *12 =108 يبقى الأوضه 3 فى 3 بتاخد 108 كتكوت فى فصل الشتاء.


ثمن الكتاكيت

يتراوح ثمن التكوت من 4 جنيه الى 13 جنيه حسب وقت التربيه ففى فصل الصيف ثمن الكتكوت لا يزيد عن 5 جنيه .

 

ويتراوح ثمن الكيلو الواحد من لحم الدواجن من 19 جنيه فى فصل الصيف الى 30 جنيه فى فصل الشتاء .


لذلك سيتم عمل دراسه جدوي لفصل الصيف ودراسة جدوى لفصل الشتاء

 

دراسه جدوي لتربيه 100 كتكوت أبيض فى فصل الصيف

  • 100 كتكوت فى متوسط 4 جنيه للكتكوت يبقى 400 جنيه ثمن الكتاكيت .
  • 2 شكاير جير مطفى الشكاره ب25 جنيه يبقى 50 جنيه .
  • 40 كيلو نشاره الكيلو ب3 جنيه يبقى 120 جنيه .
  • الكتكوت الواحد بياكل فى الدوره 4 كيلو علف يبقى 400 كيلو علف الكيلو ب 8.5 يبقى 3400 جنيه علف .
  • 100 جنيه علاج .

 

يبقى المجموع كله 4070 تكلفه تربيه ال100 كتكوت حتى نهايه الدوره .

 

ثمن البيع 100 فرخه فى متوسط وزن 2.5جم من لحم الدجاج يبقى 250 كيلو الكيلو ب19 جنيه يبقى 4750 جنيه .

 

هتنقص 4070 ثمن التربيه من 4750 ثمن البيع يبقى المكسب , 680 مكسب فى ال100 كتكوت , وده بالنسبه لدوره الصيف .

 

وقد تختلف هذه الأسعار معا انخفاض ثمن الكتكوت أو زيادة ثمن اللحم أو انخفاض ثمن العليقة أو زيادتها فلا تتقيد بذالك.

 

دراسه جول لتربيه 100 فرخة فى فصل الشتاء

  •  100 كتكوت فى متوسط 8 جنيه للكتكوت يبقى 800 جنيه ثمن الكتاكيت .
  • 2 شكاير جير مطفى الشكاره ب25 جنيه يبقى 50 جنيه .
  • 40 كيلو نشاره الكيلو ب3 جنيه يبقى 120 جنيه . 
  • الكتكوت الواحد بياكل فى الدوره 4 كيلو علف يبقى 400 كيلو علف الكيلو ب 8.5 يبقى 3400 جنيه علف . 
  • 300 جنيه أستهلاك تدفئه.
  • 150 جنيه علاج.

 

يبقى المجموع كله 4820 تكلفه تربيه ال100 كتكوت حتى نهايه الدوره .

 

ثمن البيع 100 فرخه فى متوسط وزن 2.6جم لحم يبقى 260 كيلو لحم الكيلو بمتوسط 28 جنيه يبقى 7020 جنيه .

 

هتنقص 4820 ثمن التربيه من 7020 ثمن البيع يبقى المكسب , 2200 مكسب فى ال100 كتكوت , وده بالنسبه لدوره الشتاء .

 

وقد تختلف أيضا هذه الأسعار جميعا حسب ثمن الكتاكيت والعلف واللحم لأن تربية الدواجن تعتمد أعتمادا كبيرا على البورصة وهى تزيد وتنخفض بإستمرار فلا تلزم نفسك بمكسب معين لأنه قد يختلف بالزيادة او الانخفاض. فإذا كنت تريد تربية الدواجن فتوكل على الله ولا تفكر فى المكسب حتى تراه.

وربنا يوفئكم ويبارك لكم

تعليقات
11 تعليقًا
إرسال تعليق
  • Unknown
    Unknown 22 فبراير 2021 في 5:14 م

    السلام عليكم

    إرسال ردحذف
    • ahmed
      ahmed 22 فبراير 2021 في 11:32 م

      وعليكم السلام
      تفضل

      حذف
    • لولا
      لولا 7 أبريل 2021 في 2:35 ص

      العلف دلوقتى ب ٨٢٠٠

      إرسال ردحذف
      • Unknown
        Unknown 1 يونيو 2021 في 4:19 م

        باشا حضرتك ليه معملتش حساب نسبة الفقد والهالك في الكتاكيت؟ وليه حضرتك كيلو الفراخ ف الصيغ ب19, جنيه وفي الشتا الكيلو ب28جنيه

        إرسال ردحذف
        • ahmed
          ahmed 1 يونيو 2021 في 4:29 م

          اخي العزيز اسعار الدواجن ليست سابته يعنى فترة السعر عالى وفترة السعر رخيص انا عامل دراسه جدوي تقريبة لأن لا يوجد دراسة حتمية نظرا لعدم استقرار الأسعار

          حذف
        • Unknown
          Unknown 10 أغسطس 2021 في 1:38 م

          حضرتك معملتش ايجار للمكان مش كل الناس عندها مكان للتربية

          إرسال ردحذف
          • ايمن بونه
            ايمن بونه 4 سبتمبر 2021 في 11:38 ص

            جزاكم الله خيرا

            إرسال ردحذف
            • money plus
              money plus 11 أكتوبر 2021 في 7:55 م

              ممكن اعرف كام غلافه هحتاجها وكام سقايه واسعاره ايه لو سمحت

              إرسال ردحذف
              • Unknown
                Unknown 8 نوفمبر 2021 في 11:47 ص

                حضرتك معملتش حساب تكلفه العلاج والمطهرات والكهرباء والنافق والعمالة والمكان واسعار البورصة

                إرسال ردحذف
                • Unknown
                  Unknown 14 نوفمبر 2021 في 6:05 م

                  هوا معملش حساب حاجه خالص غير سعر البيض والفراخ دي عائشه علي الطاقه مثلا

                  حذف
                • Unknown
                  Unknown 24 يناير 2022 في 8:57 ص

                  السلام عليكم ورحمه الله وبركاته بعد اذنك كنت عايز اعرف مواعيد التحصين امتا والفراخ بتاخد العلاج بعد كام يوم وكده يعني

                  إرسال ردحذف



                  وضع القراءة :
                  حجم الخط
                  +
                  16
                  -
                  تباعد السطور
                  +
                  2
                  -